Kulan kaan looga hadlayay sidii bulshadu iskaga kaashan lahayd joojinta Gudniinka fircooniga ah iyo Guurka qasabka ah ee Dumarka waxaa soo qaban qaabisay Hay’adda Gispo oo kaashaneysa hay’adda UNICEF oo Carruurta u qaabilsan QM waxaana ka qayb galay Culimaa’udiin iyo Haween.
Kulanka ayaa waxaa ka qayb galayaashu ay isku dhaafsadeen fikrado kala duwan sidoo kale Culimada ayaa su’aalo laga weydiiyay shareecada Islaamku waxa ay ka qabto Gudniinka fircooniga iyo Guurka qasabka ah.
Ugu dambeyntii waxaa dooda ka soo baxday in meel looga soo wada jeesto sidii loo jooji lahaa Arrimihii laga soo hadlay, Qaar ka mid ah Culimadii ka qayb gashay kulankaas ayaa ka hadlay Muhiimadda ay leedahay joojinta Gudniinka fircooniga ah.
Cabdullaahi Xasan Sheekh oo ka mid ah Mas’uuliyiinta Hay’adda kulanka qabatay ayaa sheegay in muhiimadda kulankaan uu ahaa sidii bulshada loo Fahamsiin lahaa joojinta Gudniinka Fircooniga ah.
