Wasiirka wasaaradda cadaaladda, awqaafta iyo arrimaha diinta ee maamulka Jubbaland Maxamed Yuusuf Cumar ayaa maanta magaalada Kismaayo uga dhawaaqay dibad-baxyo roob-doon ah, xilli abaaro daran laga soo werinayo deegaano badan oo ka tirsan Jubbaland.
Wasiir Maxamed Yuusuf ayaa sheegay iclaamiyey in Isniin berri ay banaanbaxyadaas ka bilaawdaan magaalada Kismaayo ee caasimadda maamulka Jubbaland.
Wasiirka ayaa bulshada reer Kismaayo ugu baaqay in ay isku soo baxaan oo si wanaagsan uga qayb qaataan roob doonta beri ka bilaabaneysa magalaada, isagoo xusay in loo baahan in Alle la waydiisto in uu bulshada ka dul qaado abaarta iyo roob la’aanta soo wajahday.
Roob doontaan uu iclaamiyey wasiirka Cadaaladda, awqaafta iyo arrimaha diinta maamulka Jubbaland ayaa ku soo beegmaya xili ay abaarta jirta darteed xoolo badan ay ku le’anayaan gobollada Gedo, Jubbada Hoose iyo Jubbada Dhexe.
