Kooxda Juventus ayaa toban dhibcood ka dhigtay dhibcaha ay ku hogaamineyso horyaalka talyaaniga,ka dib markii ay xalay 2-1 uga badisay kooxda Atalanta.
Kooxda Atalanta ayaa goolka la hor martay,waxaana daqiiqadii 25-aad ee ciyaarta u dhaliyay ciyaaryahan Giulio Migliaccio.
Ciyaaryahan Fernando Llorente ayaa daqiiqadii 39-aad ee ciyaarta goolka bareejada u dhaliyay kooxda Juventus.
Ciyaaryahan Andrea Pirlo ayaa dhamaadkii qeybtii hore ee ciyaarta goolka guusha oo ahaa gool la yaab leh u dhaliyay kooxda Juventus.
Kooxda Juventus ayaa horyaalka talyaaniga toban dhibcood ka sareyso kooxda Roma oo kaalinta labaad uga jirto horyaalka,waxana ay leedahay 57-dhibcood,halka kooxda Atalanta ay horyaalka uga jirto kaalinta 17-aad,iyadoo leh 23-dhibcood.
