Tirada dadkii ku dhintay dhul-gariirkii Talyaaniga ayaa korortay taas oo hadda gaartay 247 ruux, iyadoo boqolaal kale ay ku dhaawacmeen, waxaa socda dadaalo ay wadaan kooxaha gurmadka oo isticmaalaya qalabka wax lagu qodo si ay dhismiyaasha buburey hoostooda ugu soo saaraan dadka ku hoos jira.
Kumaan kamid ah dadkii deganaa deegaanada uu saameeyay dhul-gariirka ayaa jooga meelo banaan ah kuwaas dowladda Talyaaniga isku dayayso in ay caawiso.
Daraasiin dad ah ayaa wali la aamisan yahay in ay ku hoos jiraan burburka meelaha dhul-gariirka uu saameeyay oo ay kamid yihiin magaalooyinka Amatrice, Accumoli iyo Pescara del Tronto, kuwaas oo ku yaala bartamaha dalka Talyaaniga isla markaana ahaa dhul buuraley ah.
In ka badan 4,300 oo shaqaalaha gurmadka ah ayaa ku howlan samata bixinta dadkii ku waxyeeloobay dhul-gariinka, iyadoo wasaaradda caafimaadka ay sheegtay in dadka dhibaatada soo gaartay ay u badan yihiin carruur isla markaana ay suuragaltahay in tirada dhimashada ay intaa ka sii badato.
Xigasho: BBC
