Doorashada xubnaha Aqalka hoose ee Baralamanka Soomaaliya u matalaya Dowlad goboleedyada Koofur-galbeed Jubba-landa ee ka socotay Baydhabo iyo kismaayo qaybteedii 1aad ayaa la soo gabagabeeyay.
Magaalada Baydhabo oo maanta lagu doortay Illaa 7- xildhibaan oo xubnaha aqalka hoose u matalaya maamul goboleedka Koonfur /galbeed waxaa ka mid ah, Maxโed . Cismaan.Sh.Jawaari,Fowsiya Maxโed Sheekh, Ibraahim isaaq Yaroow,Daahir Cabdi(Dr.GO), Shariif Maxโed Cabdalla,C/wahaab ugaas iyo C/qaadir Shariif.
Related posts
Dhanka kale Magaalada Kismaayo wararka ka imaanaya ayaa sheegaya in saddex dumar ah ay ka mid ahaayeen doorashadii aqalka hoose ee Baarlamaanka Soomaaliya ee qeybteeda 1-aad maanta lagu qabtay halkaas.
Maryan Aweys Jaamac, Luul Cabdi iyo Xamza Sheekh Xuseen ayaa ka guuleystay xubnihii kale ee la tartamayey, iyadoo Doorashadaan loogu baratamayo xubinnimada Aqalka Hoose ay horay ugu soo baxeen Xildhibaanada kala ah Cabdirashiid Maxamed Xiddig oo hadda ah Wasiiru dowlaha Wasaaradda Arimaha gudaha iyo Federaalka Xukuumadda Soomaaliya, Eng. C/casiis C/llaahi Yuusuf, Cismaan Libaax iyo C/llaahi Yuusuf Alankey.
Waxaa si dar dar leh uga socda Xarumaha maamul goboleedyada dalka doorashada aqalka hoose ee dalka, doorashada saddexda dumarka ahna waxay ifafaale wanaagsan u tahay in Haweenka Soomaaliyeed ay ku guulaysan doonaan hanashada Qoondada boqolkiiba Soddanka ah ee looga qorsheeyay labada aqal ee Baarlamaanka Federaalka ee dalku uu yeelanayo.
