Koox la aaminsan yahay inay katirsan yihiin argagixisada Al-Shabab ayaa gabar lagu magacaabo Amran Odawaa Hassan waxay ku dileen degmada Yaaqshiiq ee magaalada Muqdisho, gaar ahaan xaafada Towfiiq.
Dhacdadaas oo argagax ku abuurtay dadka ku nool xaafada lagu dilay marxuum Amran. Goobjooge diiday in la xigto magaciisa sababo la xariira amaankiisa ayaa Radio Muqdisho u sheegay in Amran lagu dilay iyada oo fadhisa irida hore ee guriga ay daganeed, kadib markii ay soo kor istaageen labo ruux oo hubaysan, kuwaas oo rasaas xoog leh la dhacay.
Rasaastaas ayaa ugu dambeyntii sababtay in marxuum Amran ay goobta guu geeriyooto rasaastii lagu dhuftay oo ka haleeshay qeybaha sare ee jirkeeda.
Qaar kamid ah ehelada Allaha u naxariistee Amran ayaa noo sheegay in argagisida Al-Shabaab ay horay ugu soo bandhigeen marxuum Amran iyo xubno qoyska ka mid ah inay la shaqeeyaan kooxda.
Sidoo kale ehellada qaar ka mid ah qoyska Amran ayaa la sheegay inay dalka isaga carareen, kadib markii kooxda Al-Shabaab ay saartay cadaadis xoog leh, waxayna Amran ku jirtay xubnihii dalka isaga baxay.
25-kii bishii hore ee Agoosto ayaa la sheegay in gabadha la dilay ay ka soo laabatay magaalada Addis Ababa ee dalka Itoobiya oo ay ku sugaysay Leyn dhanka dibada ah, si ay uga nabad gasho dhagarta kooxda Al-Shabaab, balse nasiib darro ugu dembayntii waxay ku baxday gacanta cadowgii ay ka baqaysay.
