Kooxda Arsenal ayaa caawo garoonkeeda Emirates Stadium 2-1 uga badisay kooxda Leicester City.
Milkiilaha kooxda Leicester City Vichai Srivaddhanaprabha ayaa inta aysan ciyaarta bilaaban gacan qaaday tababare Nigel Pearson oo todobaadkan mar la shaaciyay in laga ceyriyay shaqada kooxda.
Kooxda Arsenal ayaa goolka la hor martay,waxaana daqiiqadii 27-aad ee ciyaarta u dhaliyay ciyaaryahan Laurent Koscielny.
Ciyaaryahan Theo Walcott ayaa daqiiqadii 41-aad ee ciyaarta gool labaad u dhaliyay kooxda Arsenal,sidasi ayaana lagu kala nastay qeybtii hore ee ciyaarta.
Ciyaaryahan Andrej Kramaric ayaa daqiiqadii 62-aad ee ciyaarta gool u dhaliyay kooxda Leicester City.
Kooxda Arsenal ayaa kala horeynta horyaalka ingiriiska ee Premier League-ga uga jirto kaalinta afaraad,waxana ay leedahay 45-dhibcood,halka kooxda Leicester City ay ugu hooseyso horyaalka ingiriiska.
Kooxda Liverpool ayaa garoonkeeda Anfield barbardhac 3-2 uga badisay kooxda Tottenham Hotspur.
Kooxda Liverpool ayaa goolka la hor martay,waxaana daqiiqadii 15-aad ee ciyaarta u dhaliyay ciyaaryahan Lazar Markovic.
Ciyaaryahan Harry Kane ayaa daqiiqadii 26-aad ee ciyaarta gool bareejo ah u dhaliyay kooxda Tottenham,sidasi ayaana lagu kala nasay qeybtii hore ee ciyaarta.
Ciyaaryahan Steven Gerrard ayaa bilowgii qeybtii labaad ee ciyaarta gool labaad oo rigoore ahaa u dhaliyay kooxda Liverpool.
Ciyaaryahan Steven Gerrard ayaa goolkiisii 183-aad u dhaliyay kooxda Liverpool,waxana uu noqday ciyaaryahanka shanaad ee ugu gool dhalinta badan taariikhda kooxda Liverpool.
Ciyaaryahan Moussa Dembele ayaa daqiiqadii 61-aad ee ciyaarta gool labaad oo bareejo ah u dhaliyay kooxda Tottenham.
Ciyaaryahan Mario Balotelli oo bedel ku soo galay ciyaarta ayaa daqiiqadii 83-aad ee ciyaarta goolka sedaxaad ee guusha u dhaliyay kooxda Liverpool.
Ciyaaryahan Mario Balotelli ayaa 170-maalmood ka dib waxa uu goolkiisii ugu horeeyay ee Premier League-ga u dhaliyay kooxda Liverppol.
Kooxda Tottenham ayaa kala horeynta horyaalka ingiriiska uga jirto kaalinta lixaad,waxana ay leedahay 43-dhibcood,halka kooxda Liverpool ay horyaalka uga jirto kaalinta todobaad,iyadoo leh 42-dhibcood.
Kooxda Sunderland ayaa waxaa garoonkeeda Stadium Of Light 0-2 uga badiyay kooxda Queens Park Rangers.
Kooxda Queens Park Rangers ayaa goolka la hor martay,waxaan daqiiqadii 18-aad ee ciyaarta u dhaliyay ciyaaryahan Leroy Fer.
Ciyaaryahan Bobby Zamora ayaa dhamaadkii qeybtii hore ee ciyaarta gool labaad u dhaliyay kooxda Queens Park Rangers,sidasi ayaana lagu kala nastay qeybtii hore ee ciyaarta.
Kooxda Queens Park Rangers ayaa caawo gaartay guusheedii ugu horeysay oo ay ku soo gaarto meel ka baxsan garoonkeeda ilaa markii uu bilowday horyaalka ingiriiska.
Kooxda Queens Park Rangers ayaa ka soo baxday sedaxda kooxood ee ugu hooseysa horyaalka ingiriiska,waxana ay ku jirtaa kaalinta 17-aad,iyadoo leh 22-dhibcood,halka kooxda Sunderland ay horyaalka uga jirto kaalinta 14-aad,iyadoo leh 24-dhibcood.
Kooxda Hull City ayaa garoonkeeda KC Stadium 2-0 uga badisay kooxda Aston Villa.
Kooxda Hull City ayaa goolka la hor martay,waxaana daqiiqadii 22-aad ee ciyaarta u dhaliyay ciyaaryahan Nikica Jelavic,sidasi ayaana lagu kala nastay qeybtii hore ee ciyaarta.
Ciyaaryahan Dame N’Doye ayaa daqiiqadii 74-aad ee ciyaarta goolka labaad u dhaliyay kooxda Hull City.
Taageerayaasha kooxda Aston Villa waxa ay soo bandhigeen boor ay ku dalanayaan in shaqada laga ceyriyo tababare Paul Lambert.
Kooxda Hull City ayaa ka soo baxday sedaxda kooxood ee ugu hooseeyso horyaalka ingiriiska,waxana ay ku jirtaa kaalinta 15-aad,iyadoo leh 23-dhibcood,halka kooxda Aston Vill ay ka mid noqotay sedaxda kooxood ee horyaalka ugu hooseeya.
