Kooxda West Ham United ayaa waxaa garoonka Boleyn Ground 0-1 uga badiyay kooxda Chelsea oo hogaamineyso horyaalka ingiriiska.
Kooxda Chelsea ayaa goolka la hor martay,waxaana daqiiqadii 23-aad ee ciyaarta goolka guusha u dhaliyay ciyaaryahan Eden Hazard,sidasi ayaana lagu kala nastay qeybtii hore ee ciyaarta.
Labada kooxood oo ka wada dhisan magaalada London ayana wax gool ah iska dhalin qeybtii danbe ee ciyaarta.
Kooxda Chelsea ayaa horyaalka ingiriiska ee Premier League-ga ku hogaamineyso 63-dhibcood,halka kooxda West Ham United ay horyaalka u soo dhaadhacday kaalinta tobanaad ee horyaalka,iyadoo leh 39-dhibcood.
Kooxda Manchester City ayaa garoonkeeda Etihad Stadium 2-0 uga badisay kooxda Leicester City.
Kooxda Manchester City ayaa goolka la hor martay,waxaana dhamaadkii qeybtii hoe ee ciyaarta u dhaliyay ciyaaryahan David Silva,sidasi ayaana lagu kala nastay qeybii hore ee ciyaarta.
Ciyaaryahan James Milner ayaa dhamaadkii ciyaarta goolka labaad u dhaliyay kooxda Manchester City.
Kooxda Manchester City ayaa kaalinta labaad uga jirto horyaalka ingiriiska,waxana ay leedahay 58-dhibcood,halka kooxda Leicester City ay ugu hooseyso horyaalka ingiriiska.
Kooxda Queens Park Rangers ayaa waxaa garoonkeeda LOFTUS ROAD 1-2 uga badiyay kooxda Arsenal.
Ciyaaryahan Olivier Giroud ayaa daqiiqadii 64-aad ee ciyaarta goolka koowaad u dhaliyay kooxda Arsenal.
Ciyaaryahan Alexis Sanchez ayaa daqiiqadii 69-aad ee ciyaarta goolka labaad u dhaliyay kooxda Arsenal.
Ciyaaryahan Charlie Austin ayaa dhamaadkii ciyaarta goolka kaliya u dhaliyay kooxda Queens Park Rangers.
Kooxda Arsenal ayaa kala horeynta horyaalka ingiriiska uga jirto kaalinta sedaxaad,waxana ay leedahay 54-dhibcood,halka kooxda Queens Park Rangers ay kamid noqotay sedaxda kooxood ee ugu hooseeya horyaalka.
Kooxda Newcastle United ayaa waxaa garoonkeeda St James´ Park 0-1 uga badiyay kooxda Newcastle United.
Ciyaaryahan Jonas Gutierrez oo ka soo kabsaday cudurka kansarka ayaa daqiiqadii 65-aad ee ciyaarta bedel ku soo galay ciyaarta,iyadoo lagu bedelay ciyaaryahan Ryan Taylor.
Kabtanka kooxda Newcastle United Fabricio Coloccini ayaa kabtanimada u dhiibay ciyaaryahan Jonas Gutierrez markii uu garoonka soo galay.
Ciyaaryahan Ashley Young ayaa dhamaadkii ciyaarta goolka guusha u dhaliyay kooxda Manchester United.
Kooxda Manchester United ayaa kaalinta afaraad uga jirto kala horeynta horyaalka ingiriiska,waxana ay leedahay 53-dhibcood,halka kooxda Newcastle ay horyaalka uga jirto kaalinta 11-aad,iyadoo leh 35-dhibcood.
Kooxda Liverpool ayaa garoonkeeda Anfield 2-0 uga badisay kooxda Burnley.
Kooxda Liverpool ayaa goolka la hor martay,waxaan daqiiqadii 29-aad ee ciyaarta u dhaliyay ciyaaryahan Jordan Henderson,sidasi ayaana lagu kala nastay qeybtii hore ee ciyaarta.
Ciyaaryahan Daniel Sturridge ayaa bilowgii qeybtii labaad ee ciyaarta goolka labaad u dhaliyay kooxda Liverpool.
Kooxda Liverpool ayaa kala horeynta horyaalka uga jirto kaalinta shanaad,waxana ay leedahay 51-dhibcood,halka kooxda Burnley ay ka mid tahay sedaxda kooxood ee horyaalka ugu hooseeya.
Kooxda Tottenham Hotspur ayaa garoonkeeda White Hart Line 3-2 uga badisay kooxda Swansea City.
Kooxda Tottenham ayaa goolka la hor martay,waxaana daqiiqadii todobaad ee ciyaarta u dhaliyay ciyaaryahan Nacer Chadli.
Weeraryahanka kooxda Swansea City Bafetimbi Gomis ayaa dhulka ku dhacay oo suuxay qeybtii hore ee ciyaarta,iyadoo uu u baahday gargaar caafimaad oo deg deg ah,iyadoo garoonka looga qaaday sariir,waxaana loola cararay isbitaalka.
Ciyaaryahan Sung-Yueng Ki ayaa daqiiqadii 21-aad ee ciyaarta goolka bareejada u dhaliyay kooxda Swansea City,sidasi ayaana lagu kala nastay qeybtii hore ee ciyaarta.
Ciyaaryahan Ryan Mason ayaa bilowgii qeybtii labaad ee ciyaarta goolka labaad u dhaliyay kooxda Tottenham.
Ciyaaryahan Andros Townsend ayaa daqiiqadii 60-aad ee ciyaarta goolka sedaxaad u dhaliyay kooxda Tottenham.
Ciyaaryahan Gylfi Sigurdsson ayaa dhamaadkii ciyaarta gool labaad u dhaliyay kooxda Swansea City.
Kooxda Tottenham ayaa kala horeynta horyaalka uga jirto kaalinta todobaad,waxana ay leedahay 47-dhibcood,halka kooxda Swansea City ay horyaalka uga jirto kaalinta sagaalaad,iyadoo leh 40-dhibcood.
Kooxda Stoke City ayaa garoonkeeda Britannia Stadium 2-0 uga badisay kooxda Everton.
Kooxda Stoke City ayaa goolka la hor martay,waxaana daqiiqadii 33-aad ee ciyaarta u dhaliyay ciyaaryahan Victor Moses,sidasi ayaana lagu kala nastay qeybtii hore ee ciyaarta.
Ciyaaryahan Mame Biram Diouf ayaa dhamaadkii ciyaarta goolka labaad u dhaliyay kooxda Stoke City.
Tababaraha kooxda Everton ayaa waxaa saaran cadaadis xoogan,ka dib markii uu hal kulan oo kaliya uu ciyaaray 12-kii kulan ee ugu danbeysay horyaalka ingiriiska.
Kooxda Stoke City ayaa kala horeynta horyaalka ingiriiska ka soo gashay kaalinta sideedaad,waxana ay leedahay 42-dhibcood,halka kooxda Everton ay horyaalka uga jirto kaalinta 14-aad,iyadoo leh 28-dhibcood.
