Kooxda Everton ee dalka ingiriiska ayaa lugtii koowaad ee koobka Europa League-ga garoonkeeda Goodison Park 2-1 uga badisay kooxda Dynamo Kyiv ee dalka Ukraine.
Kooxda Dynamo Kyiv ayaa goolka la hor martay,waxaana daqiiqadii 14-aad ee ciyaarta u dhaliyay ciyaaryahan Oleg Gusev.
Ciyaaryahan Steven Naismith ayaa dhamaadkii qeybtii hore ee ciyaarta gool bareejo ah u dhaliyay kooxda Everton,sidasi ayaana lagu kala nastay qeybtii hore ee ciyaarta.
Ciyaaryahan Romelu Lukaku ayaa daqiiqadii 82-aad ee ciyaarta goolka guusha oo rigoore ahaa u dhaliyay kooxda Everton.
Kooxda Fiorentina ayaa lugtii koowaad ee koobka Europa League-ga garoonkeeda Stadio Artemio Franchi barbardhac 1-1ah kula gashay kooxda Roma oo ay ka wada ciyaaraan horyaalka talyaaniga.
Kooxda Fiorentina ayaa goolka la hor martay,waxaana daqiiqadii 17-aad ee ciyaarta u dhaliyay ciyaaryahan Josip Ilicic,sidasi ayaana lagu kala nastay qeybtii hore ee ciyaarta.
Ciyaaryahan Seydou Keita ayaa daqiiqadii 77-aad ee ciyaarta goolka bareejada u dhaliyay kooxda Roma.
Kooxda Napoli ee dalka talyaaniga ayaa lugtii koowaad ee koobka Europa League-ga garoonkeeda Stadio San Paolo 3-1 uga badisay kooxda Dinamo Moscow ee dalka ruushka.
Kooxda Dinamo Moscow ayaa goolka la hor martay,waxaana daqiiqadii labaad ee ciyaarta u dhaliyay ciyaaryahan Kevin Kuranyi.
Ciyaaryahan Gonzalo Higuain ayaa labo gool oo deg deg ah mid ka mid ahna uu rigoore ahaa u dhaliyay kooxda Napoli,sidasi ayaana lagu kala nastay qeybtii hore ee ciyaarta.
Ciyaaryahan Gonzalo Higuain ayaa bilowgii qeybtii danbe ee ciyaarta goolka sedaxaad u dhaliyay kooxda Napoli.
Kooxda Villarreal ayaa waxaa lugtii koowaad ee koobka Europa League-ga garoonkeeda Estadio El Madrigal 3-1 uga badiyay kooxda Sevilla oo ay ka wada ciyaaraan horyaalka Spain ee La Liga.
Kooxda Sevilla ayaa qeybtii hore ee ciyaarta dhalisay labo gool,waxaana u kala dhaliyay ciyaaryahanada kala ah Vitolo iyo Stephane M’Bia,sidasi ayaana lagu kala nastay qeybtii hore ee ciyaarta.
Ciyaaryahan Kevin Gameiro ayaa bilowgii qeybtii danbe ee ciyaarta goolka sedaxaad u dhaliyay kooxda Sevilla.
Kooxahan ayaa khamiista soo socoto ciyaari doono lugta labaad ee koobka Europa League-ga.
