Kooxda Tottenham ayaa u soo baxday Semi-finalka koobka Capital One,ka dib markii ay garoonkeeda White Hart Line 4-0 uga badisay kooxda Newcastle United.
Kooxda Tottenham ayaa goolka la hor martay,waxaana daqiiqadii 18-aad ee ciyaarta u dhaliyay ciyaaryahan Nabil Bentaleb,sidasi ayaana lagu kala nastay qeybtii hore ee ciyaarta.
Ciyaaryahan Nacer Chadli ayaa bilowgii qeybtii labaad ee ciyaarta goolka labaad u dhaliyay kooxda Tottenham.
Ciyaaryahan Harry Kane ayaa daqiiqadii 63-aad ee ciyaarta goolka sedaxaad u dhaliyay kooxda Tottenham.
Ciyaaryahan Roberto Soldado oo bedel ku soo galay ciyaarta ayaa daqiiqadii 70-aad ee ciyaarta goolka afaraad u dhaliyay kooxda Tottenham.
Kooxda AFC Bournemouth ayaa waxaa garoonkeeda Don Valley Stadium 1-3 uga badiyay kooxda Liverpool.
Kooxda Liverpool ayaa goolka la hor martay,waxaana daqiiqadii 20-aad ee ciyaarta u dhaliyay ciyaaryahan Raheem Sterling.
Ciyaaryahan Lazar Markovic ayaa daqiiqadii 27-aad ee ciyaarta goolka labaad u dhaliyay kooxda Liverpool,sidasi ayaana lagu kala nastay qeybtii hore ee ciyaarta.
Ciyaaryahan Raheem Sterling ayaa bilowgii qeybtii labaad ee ciyaarta goolka sedaxaad u dhaliyay kooxda Liverpool,waxana uu ahaa goolkiisii labaad ee ciyaarta.
Ciyaaryahan Dan Gosling ayaa daqiiqadii 57-aad ee ciyaarta goolka u dhaliyay kooxda AFC Bournemouth.
Kooxda Liverpool ayaa u soo baxday Semi-finalka koobka Capital One.
