Kulan ka tirsan Horyaalka heerka sadaxaad ee dalka ayaa galabta ka dhacay garoonka kubadda cagta ee Benaadir Stadium, ee degmada Cabdicasiis kaasi oo dhex maray kooxaha Soomaali fruit iyo dekadda oo ka wada tirsan horyaalka heerka sadexaad ee dalkeena.
Kulankii galabta oo ahaa mid xiiso gaar ah leh, isla markaana ay u soo daawasho tageen dadweyne aad u fara badan oo ka kala yimid degmooyinka Gobolka Benaadir, waxaana cayaarta qeybtii hore ay ku soo gabo gabowday 0-0.
Daqiiqado kaddib qeybtii dambe markii la isku soo laabtay cayaarta ayaa labada koox waxa ay garoonka ku soo bandhigeen cayaar aad loo jecleystay, iyadoo cayaartu ay ahayd mid weerar iyo weerar celis.
Guud ahaan cayaartii dhexmartay kooxaha Soomaali fruit iyo Dekadda ayaa waxa ay ku soo idlaatay 3-1 oo ay guusha ku raacday kooxda Soomaali fruit.
