Kooxda Swansea City ayaa qaab amaah ah kooxda Benfica ugala soo wareegtay ciyaaryahan Nelson Oliveira oo weerarka ka ciyaara,waxana uu ku soo biirayaa 1-da bisha January ee sanadka 2015.
Ciyaaryahan Nelson Oliveira oo u dhashay dalka Portugal ayaa kooxda Swansea City u ciyaari doono inta ka dhiman xili ciyaareedkan.
Ciyaaryahan Oliveira oo 14-kulan u saftay xulka Portugal ayaa boos joogto ah ka waayay kooxda Benfica.
Tababaraha kooxda Swansea City Garry Monk ayaa doonayo in ciyaaryahan Oliveira oo 23-jir ah uu ku buuxiso booska uu baneynayo ciyaaryahan Wilfried Bony oo bisha soo socota xulkiisa Ivory Coast uga qeyb galayo koobka qaramada afrika.
