Wareegto ka soo baxday Wasaaradda Waxbarashada Dowlad Gobolleedka Galmudug ayaa lagu magacaabay Kormeeraha Wasaaradda Waxbarashada si loo hubiyo tayada Wasaaradda ee Dhanka Tacliinta.
Wasiirka Waxbarashada Dowlad Gobolleedka Galmudu Ibraahim Sheekh Xasan Guureeye ayaa Kormeeraha Wasaaradda waxbarashada u Magacaabay Mudane Cabdiraxmaan Cali Diiriye “Isxal” isagoo ka rajeeyay kormeeraha inuu howshiisa ka soo bixidoono.
Wareegtada lagu soo magacaabay kormeeraha Wasaaradda Waxbarashada Galmudug waxaa ku saxiixnaa Wasiirka Waxbarashada Dowlad Gobolleedka Galmudug Mudane Ibraahim Sheekh Xasan “Guureeye”
Si loo dar-dar galiyo Tayada Wasaaradda waxbarashada Galmudug ayaa Wasiira Waxbarashada si daan oo kale waxa uu wareegto ugu Magacaabay dhawaan Guddoomiyaha Guddiga waxbarashada Gobolka Mudug Axmed Jamac Aadan.
Dhawaanahaanba Waxsaaradda Waxbarashada Dowlad Gobolleedka Galmugud waxa ay wadday qorshayaal lagu horumarinayo waxbarashada Deegaannadaas.
