Boqolaal qof ayaa ku dhintay kuna dhaawacmay, dab xalay ka kacay goob ay ka socotay xaflad Aroos oo ka dhacaysay degmada Al-Xamdaaniya ee gobolka Nineveh ee waqooyiga dalka Ciraaq.
Dhanka kale, Bisha Cas ee Ciraaq ayaa ku dhawaaqday in tirada dhimashada iyo dhaawaca dadka ku geeriyooday dabkan ay gaartay 450 qof.
Sidokale, Warbaahinta Ciraaq ayaa sheegtay in dab ka kacay xaflad Aroos oo ka dhacday degmada Xamdaaniya ay ka dhalatay dhimasho iyo dhaawac xad dhaaf ah.
Muuqaallo ay baahisay wakaaladda wararka ee Reuters, oo muujinaya baaxadda khasaaraha ka dhashay dabka ayaa lagu arkayay Meydad tiro badan oo goobta yaalla iyo shaqaalaha gargaarka oo isla goobta kula tacaalaya tiro dhaawacya ah.
Ra’iisul Wasaaraha Ciraaq, ayaa faray Wasaaradaha arrimaha gudaha iyo Caafimaadka in gurmad degdeg ah ay u fidiyaan dadka ku waxyeelloobay dabka
