Saraakiisha dalka Afghanistan ayaa sheegay in ugu yaraan 55 qof lagu dilay in ka badan 150 kalana lagu dhaawacay qarax ka dhacay meel u dhow iskuul ku yaalla caasimada Afghanistan ee Kabuul.
Warbaahinta maxalliga ah ayaa sheegtay in qaraxyo waaweyn oo is xigxigay ay ka dhaceen galbeedka magaalada una dhow dugsi sare oo ay dowladdu maamusho laguna magacaabo Sayeed-ul-Shuhada.
Weriyeyaasha ayaa sheegaya in ardayda ay ka baxayeen iskuulka markii ay qaraxyadu dhacayeen. Sawirro la soo dhigay baraha bulshada ayaa muujinaya boorsooyinka iskuulka oo laga tagey iyo burburka gaariga ku gubtay wadada agteeda.
Degmada ku taalla galbeedka Kabuul waxaa ku nool inta badan bulshada Shiicada ah ee Hazara kuwaas oo si isdaba joog ah u bartilmaameedsanayeen sanadihii la soo dhaafay kooxda IS.
Arrintaa ayaa ku aadeys xilli ciidamada Mareykanka ay bilaabeen inay ka baxaan gudaha dalkaasi kadib dagaal qaatay 20-sano oo ay kula jiraan kooxda talibaan hase ahaatee labada dhinac ayaa ku hishiiyay inay mareykanku uu ciidamadiisa kala baxo
