Ku-simaha Madaxwaynaha dalka ahna Guddoomiyaha Barlamaanka Federaalka ah ee Soomaaliya Mudane Maxamed Sheekh Cismaan Jawaari ayaa kulanka ugu horeeyey la qaatay safiirak dowladda Switzerland u jooga Soomaaliya Dominik Langenkbarcher, waxa ayna ka wada hadleen arrimo ay ka mid yihiin xoojinta iskaashagiga ka dhexeeya labada dal iyo sidii dowladda Switzerland ay Soomaaliya kaga caawin lahayd qibradda ay u leedahay hanaanka Federaalka ee uu dalkeena qaatay iyo faa’iidada uu u leeyahay bulshada.
Afhayeenka Barlamaanka Soomaaliya kaga mahad celiyey dowladda Switzerland sida ay kaga go’an tahay tageerida dhismaha hay’addaha dowladda Soomaaliya, isagoo tilmaamay in Soomaaliya ay xiligaan u jihaysatay waddo deer oo dhinaca horumarka ah, dowladda Switzerland ay ka korarsan karto qibradda dheer ee ay u leedahay nidaamka Federaalka oo ay ku dhaqmaysay mudo ka badan 200sano.
Mr Dominik safiirka dowladda Switzerland u fadhiya Soomaaliya ayaa hoostaka xariiqay in uu aad ugu faraxsan yahay horumarka ay ka samaysay dowladda Soomaaliya, dhinacyadda kale duwan, dowladiisuna ay ka go’antahay in ay Soomaaliya ka caawiso hirgalinta hiigsiga 2016ka.
Dhanka kale Mudane Maxamed Sheekh Cismaan Jawaari ku-simaha Madaxwaynaha dalka ahna Guddoomiyaha Barlamaanka Soomaaliya ayaa xafiiskiisa ku qaabilay ku-xigeenka ergeyga gaarka ah ee Qaramada Midoobay u qabilsan Arrimaha Soomaaliya Peter de Clercq ahna isuduwaha gargaarka beni’aadanimo Qaramada Midoobay ee Soomaaliya, oo ay ka wada hadlaan qobado dhowr ah oo ay ka mid tahay tayeynta dhallinyaradda Soomaliyeed si ay door weyn kaga qataan dhimacyadda siyaasadda, waxbarasha iyo sidii ay lagama maarmaan u tahay in wax laga qabto dhibaatada beni’aadanimo ee ka jira deeganaadda qaar ee dalka iyo tan dadka barakacayaasha ah.
Ku-simaha Madaxwayanaha ayaa Qaramadda midoobey ku adkeeyey sida ay u tahay mid lagama maarmaan ah in dhalinyaradda Soomaaliyeed la siiyo fursad, madaama dadka Soomaaliyeed lagu qiyaaso 75% inay yihiin dhallinyaro, wadatashi kastana ay ka dhex-muuqdaan. ,
Guddoomiyaha Baarlamaanka Soomaaliya iyo Peter de Clercq ayaa kulankooda iskula soo qaaday dhibaatooyin ka dhalin kara isbadalka cimilada adduunka oo dadka cilmiga u leh ay saadalinayaan in laga yaabo in ay dhacdo fatahaad ka iimaynsa dhinaca badda ah, loona baahan yahay in laga sii tabaabusheesto, si aysan dhibaato ugu gaysan dadka degan meelaha xeebaha ah.
