Kulankaan oo lagu qabtay degmada Kaaraan ee gobolka Banaadir ayaa waxaa ka qayb galay mas,uuliyiinta maamulka degmadaas heer degmo ilaaa waaxaha, saraakiisha booliska degmada iyo qaybta bari, gudoomiyaha gudiga dib u heshiisiinta qaranka Soomaaliyeed Ismaaciil Macalin Muuse iyo wakiilo ka socday wasaarada maaliyadda waxaana looga hadlayay sidii ay maamulka iyo bulshada degmadaasi iskaga kaashanlahaayeen amaanka degmada iyo isdhex galka .
Gudoomiyaha degmada Kaaraan Axmed Xasan Yalaxow oo kulanka shirgudoominayay ayaa waxaa uu ka hadlay muhiimada shirku u leeyahay degmada iyo ujeedka maamulku u soo qaban qaabiyay waxaana uu carabka ku dhuftay muhiimada ay u leedahay wada shaqeyn dhaw oo dhex marta maamulka iyo shacabka degmada.
“Mashruucaan waa mashruuc uu noogu deeqay gobolka Banaadir mashruucaas oo la magac baxay danguud mashaariicda gobolka banaadir uu ka qabto gobolka ayuu qayb ka yahay waa mashruuc aad u qiima badan oo loogu talo galay is dhex galka bulshada”ayuu yiri gudoomiyaha.
Gudoomiyaha gudiga dib u heshiisiinta qaranka Soomaaliyeed mudane Ismaaciil Macalin Muuse oo isna ka hadlay kulanka ayaa waxaa uu sheegay in muhiimadu tahay wacyi galin in bulshada loo sameeyo si ay u fahmaan dowladnimada maamulka ayuuna ku amaanay dadaalkiisa uu ku doonayo in la hormariyo amaanka iyo arimaha bulshada degmada.
“Hadaan wacyigalinu jirin oo aan loo diyaar garoobin ilaa degmo gudiga fulinta ee degmada waaxyada ilaaa falarka intaasi hadaaney wacyigalinta ka wada qayb qaadan waxba lama qaban karo aadbaaan ugu faraxsanahay ka qayb galka barnaamijkaan waxaana iiga muuqata Kaaraan hormar weyn alaa mahadleh”ayuu yiri Mr Ismaaciil .
