Agaasimaha guud ee Wasaarada Caafimadka iyo Daryeelka Bulshada Xukuumadda Federaalka Soomaaliya Dr. Guuleed Cabdijalil Sheikh Cali,iyo wafdi uu hoggaaminayo oo howlo shaqo u joogo magaalada Geneva ee dalka Switzerland.
Safarkaan shaqo,ayaa waxaa u jeedkiisa ahaa Mashruuca lagu maalgelinayo Barnaamijka Talaalka Qaranka muddada 5ta Sano ee soo socoto kaas oo diirada lagu saari doono Tallaalka Carruurta 5 sano ka yar iyo Talaalka Carruurta ku nool goobaha la xorreeyay ee aan adeega Tallaalka la gaarsiin muddo fog (Zero dose Children).
Shirkan oo qaatay shan maalmood, ayaa lagu Ansixiyay Mashruuca Tallaalka Qaranka oo ay maalgalin doonto Hey’adda GAVI, kaas oo qaatay muddo sanad ah qorsheyntiisa, iyadoo ay Wasaaradda Caafimaadka hormuud ka noqotay qorsheynta iyo hortabinta Mashruucaan.
Wasaaradda Caafimaadka waxaa ay u mahadcelineysaa Hey’adda GAVI oo gacan weyn ka geystay taakuladaan, iyadoo qeyb ka qaadan doonto horumarinta iyo dhisidda nidaamka Caafimaadka dalka guud ahaan si gaar ah mashruuca Tallaalka qaranka.
