Kulankaan oo aay soo qaban qaabisay jumciyadda horumarinta Ardayda soomaaliyeed ayaa waxaa loogu hadlayay sida wax loogu qaban kara abaaraha ka taagan dalkeena soomaaliya. iyadoo ay ka soo qeyb galeen kulankaani aqoonyhano, salaadiin, jaaliyada iyo qaar kamida ah ardayda wax ka barata jamacadaha dalka sudaan .
Ugu horeyn waxaa goobta ka hadlay gudoomiyaha jaaliyada soomaaliyeed ee dalka sudaan cabdi wali xasan xuseen waxaa uu ku booriyey shacabka Soomaaliyeed guud ahaan meel kasta oo ay joogaan oo ay ugu horeeyaan ganacsatada,qurba joogta iyo bulshada rayidka in dhexda loo xirto sidii dadkeenna loogu gurman lahaa.
Sido kale waxaa ka hadlay kulanka suldaan kamaala iyo suldaan cali oo ka mid ah salaadiinta soomaaliyeed ee ku dhaqan dalka sudaan waxey sheegen in loo baahanyahay Alle Barri badan iyo in salaado la tukado, iyagoone baaq u diray cid walba oo wax heysta inay samata bixiyaan walaalahood.
Kulankaan Uu shir gudominaayay Gudoomiyaha jumciyadda horumarinta Ardayda soomaaliyeed Eng Cabdisamad Cabdiraxman ”Maleysiya” Ayaa waxaa laga soo saaray warmurtiyeed ka koobnaa ilaa iyo lix qodob waxaane ka mid ahaa war murtiyeedkaasi.
- In la sameeyo guddiyo isku dhaf ah oo matalaya qeybah kala duwan ee bulshada si loo caawiyo dadka abaraha saameysay ayadoo lala kaashanayo guddiyada jira ee heerka qaran iyo hay’adaha caalimiga.
- In la sameeyo sanduuq badbaada qaran lagana hirgaliyo dhamaan gobalada dalka si looga hortago abaraha iyo musiibooyinka kale ee dabiiciga ah ee soo wajaha bulshada looguna kaaftooma gacanta shisheeye.
- in xil gooni iska saaraan hey’adaha dowliga ee kushaqada leh hormarinnta deegaanka iyo reer miyiga si loo helo keyd biyeedyo , daaqsi xereeno taasi oo gashaan u noqon karta ka hortago abaahara.
- In lagu dhiiri galiyo ganacsata iyo shirkadaha caalamiga maalgalinta beerashada iyo xanaaneyta xoolaha si loo kordhiya wax so saarka dalka.
- In la joojiyo jaridda iyo xaalufinta dhirta, si loo dhowro Deeganka iyo wax soo saarkisa.
- In lasameeyo xaruma qaas u ah cilmi baarista musiibooyinka dabiiciga ah iyo isbadalada cimilada sidoo kalana kashaqeyo wacyi galinta bulshada.
gobolada dalkeena soomaaliya ayaa waxaa ka jira abaaro badan kuwaas oo saameeyay dadka iyo duunyada waxaana ku xoola beelay dadyow fara badan.
Yuusuf Maxamed Macalin (Yuusuf Kashmiir)
