Shirkaan waxaa ka soo qeyb galay Masβuuliyin kala duwan waxaana kamid ahaa Wasiirka Caddalada Puntland,Wasiir ku-xigeenka amniga,Taliye ku-xigeenka Booliska Puntland,Guddomiyaha Gobolka Nugaal,Taliyaha qeybta Booliska Gobolka Nugaal,Gudoomiyaha Degmada Garoowe, Nabadoonada kala duwan,Haweenka,Ganacsatoda iyo marti sharaf kale oo lagu Casuumay ka qeyb galka shirkaani muhiim ka ah.
Shirkaan ayaaΒ looga hadlay sidii looga hortagi lahaa dadka amni darada ka wada Caasimada Puntland ee Garoowe iyo sidii looga hortagi lahaa jarista iyo gubidda dhirta.
Related posts
Islaan Ciise Islaan Maxamed Islaan Muuse iyo Suldaan Siciid Maxamed Garaase oo ka mid ah bahda Dhaqanka Puntland ayaa sicad u sheegay in masβuuliyada amniga Caasimada ka saaran tahay Maamulka ayna fasax u haystaan in gacan adag lagu qabto kooxaha ka shaqeeya amni darada iyo keenista Maandooriyasha.
Wasiirka Caddaalada puntland Cawil Shiikh Xaamud iyo Wasiir ku-xigeenka amniga oo ka hadlayay shirkaani ayaa isku raacay muhiimada ay leedahay in si wada jir ah looga hortago goβaamana looga qaato cid kasta oo ku lug leh amni darada Caasimada Garoowe .
Guddomiyaha Gobolka Nugaal Cawil MaxamedΒ Xasan iyo Taliyaha Qaybta Booliiska Gobalka Nugaal ayaa sheegay in dowladda ka jawaabi doonto dadka amni darada ka sameynayaan gudaha Magaalada Garoowe Bahda dhaqankane ka codsadeen in si wada jir ah looga hortago kooxahaani, sidoo kalane digniin u diray dadka ka ganacaada xaalufinta iyo Jarista Dhirta.
Arrintaan ayaa timid kadib markii todobaadyaddii ugu danbeeyay ay kaΒ dhacayeen xilliyada habeenkii ah Magaalada Garoowe rasaas ay bahda amnigu ku eedeeyeen kooxaha ka ganacsada Maandooriyaha iyo kooxo u Abaabulan khal khal galinta amniga Caasimada .
