Wasiirka Gaashaandhigga Xukuumadda Federaalka Soomaaliya Cabdulqaadir Maxamed Nuur Jaamac ayaa qoraal uu soo saaray ku sheegay in qadka Taleefoonka oo kula hadlay dhigiisa dalka Turkiga oo laga helay xanuunka COVID-19.
“Waxaan qadka Taleefoonka ka wada hadalney Wasiirka Wasaaradda Gaashaandhigga Dowladda aan walaalaha nahay ee Turkiga Mudane Hulusi Akar oo baarritaan kadib COVID-19 laga heley. Waxaan u rajeeyey inuu Ilaahey Sumxaana Watacaalaa Caafimaad degdeg ah siiyo, Waxaana uga mahadceliyey is garab istaaga hagar-laaneed ee uu mar walba la garab taaganyahay Ciidanka Xoogga Dalka Soomaaliyeed,” ayuu qoraalkiisa ku yiri Wasiir Cabdulqaadir Maxamed Nuur.
