KulanΒ looga hadlayay adkeynta nabadda oo ay ka qeybgaleen maamulka iyo shacabka degmada Cabdicasiis ayaa lagu qabtay xarunta degmadaasi ee magaalada Muqdisho.
Waxaa ka qeyb galay kulanka mas’uuliyiin ka socday maamulka gobolka Banaadir, kan degmada Cabdicasiis, ururka haweenka ee gobolka Banaadir, iyo qeybaha bulshada.
Related posts
Marwo Jawaahir Baarqab gudoomiyaha ururka gaweenka gobolka Banaadir oo kulankaasi ka hadashay ayaa sheegtay ine nabadgelyadu ay muhiimad gaar ah u leedahay Β bulshada ku nool degmadaasi.
Gudoomiyaha degmada Cabdicasiis Cusmaan Muxidiin Cali oo isna ka hadlay shirka ayaa ugu baaqay bulshada degmada inay ka shaqeeyaan nabadda iyo horumarka deegaanka.
Gudoomiyaha ayaa u furay tartan la xiriira nadaafada, afarta waaxood ooΒ ay ka kooban tahay degmadaasi.
Guddoomiya ku xigeenka maamulka gobolka Banaadir Cabdicasiis Cilmi Xalane ayaa isna sheegay in haddii la helo bulsho mideysan ay ka dhigan tahay in la helay nabad, wuxuuna ugu baaqay shacabka degmada Cabdicasiis inay ka shaqeeyaan nabadda iyo nadaafadda degmada.
kulankan ayaa qeyb ka ah dadaalka uu maamulka degmadaasi ugu jiro horumarinta degmadaasi.
