Kulan si weyn ay u soo agaasimeen Guddi Ka kooban Ganacsato,Culumaa’udiin iyo Aqoonyahano Soomaaliyeed ee ku nool dalka Koofur Afrika ayaa maanta waxaa uu ka furmay Magaalada Malbero Johannesburg ee Dalka Koonfur.
Kulankaasi ayaa waxaa ka soo qeybgalay marti sharaf kala duwan iyo ergooyin kala matalayay Bulshada Soomaaliyeed ee ku kala nool 9-ka Gobolka ee uu ka kooban yahay Dalka Koofur Afrika, ururada ka shaqeeya arrimaha bulshada,haweenka iyo kuwa kale waxaana ujeedka kulanka uu ahaa sidii xal loogu heli lahaa dhibaatooyinka Soomaalida ku heysta gudaha Dalka South africa, sida uu warbaahinta qaranka u sheegay Shariif Axmed Wehliye Garweyne oo ku hadlayay
Magaca Guddiga soo qaban qaabiyay kulankaani.
“Shirkaan waxaa loogu talagalay in lagu xaliyo dhibaatooyinka Soomaalida dhaxdeeda ah iyo kuwa Dalkaan Koofur Afrika loogu geysto,isla markaana lagu xaliyo arimahaas loga hadlayo” ayuu yiri Shariif.
Guddiga ayaa Ergooyinka Madasha shirka yimid u qeybiyay ilaa sagaal qodob oo ay ku soo koobeen dhibaatooyinka loo baahan yahay in laga wada hadlo, islamarkaana ay ka doodaan dhinacyada matalayasha bulshada iyo ururada Soomaalida, waxaana qodobadaasi bulshada u akhriyay Xoghayaha Gudiga Qabanqaabada Maxamuud C/laahi Salaad.
“qodobadii aan is dhahnay waa ugu waa weyn dhibaatooyinka ayaan kusoo
koobnay,tusaale ahaan midnimo la’aanta,dhaca iyo dilalka
qorsheysan,maandooriye ama drugs waxa loo yaqaano,anshax xumada,barakicin
ganacsi,sharciyada wasaarada arimaha gudaha South Africa,Tacliinta da’yarta
Soomaaliyeed,isfahan darada Bulshooyinka,iska xil saarid la’aanta danta
guud”, ayuu yiri Maxamuud.
Shirkaan ayaa la filayaa in uu socon doono muddo seddax maalin ah ee soo socota waxaana la rajeynayaa in laga soo saaro arrimo badan oo faa’iido u ah bulshada Soomaaliyeed ee ku nool gudaha dalka Koofur Afrika sida uu warbaahinta qaranka u sheegay Axmed nuur Abdulle Xirsi oo ka mid ahaa guddiga qaban qaabada shirkaan.
Inta uu socday shirka maanta waxaa halkaasi heeso iyo riwaayad ka turjumayay xaalada nololeed ee Soomaalida ku nool dalka Koofur Afika ku soo bandhigay kooxda hiddaha iyo dhaqanka ee suldaan ibraahim qaxwo, iyada oo sidoo kale ay halkaasi ku soo xardheen dhammaan alaabaha hiddaha dhaqanka iyo waliba aqal soomaali laga dhisay iridka hore ee xarunta shirka laga galo.
