Wasiirka Wasaaradda Hawlaha Guud, Dib u dhiska & Guriyeynta Xukuumadda Federaalka Soomaaliya Mudane Ismaaciil Cabdiraxmaan Sh. Bashiir, Wasiir kuxigeenka Wasaaradda Maxamed, Agaasimaha guud Axmed Maxamed Iimaan, Agaasime waaxeedyada iyo Shaqaalaha kala duwan ee Wasaaradda ayaa maanta isugu yimid kulan looga arrinsanayey gurmadka dadkii ku waxyeeloobay Qaraxii Zoobe2.
Wasiir Ismaaciil Cabdiraxmaan Sh. Bashiir oo ka hadley kulanka ayaa sheegey in looga baahanyahay madaxda & shaqaalaha Wasaaradda in ay garab istaagaan dadka shacabka ah ee ku dhaawacmay iyo ehelada kuwii ku shahiiday qaraxyadii ay argagixisadu kula beegsatay isgoyska Zoobe.
Waxaana ugu dambayntii la isku raacay in si buuxda loo garab istaago, gargaarna loo fidinayo dadkii ku dhaawacmay qaraxyadaasi, isla markaana dhiig & dhaqaaleba laga qayb qaadato.
