Kulan looga hadlayay horumarinta adeegyada caafimaadka oo ay ka qeyb galeen Guddoomiyeyaasha ururada haweenka ee gobolka Shabeelaha dhexe ayaa maanta lagu qabtay magaalada Jowhar ee xarunta Gobolkaasi.
Kulankan oo ay soo qaban qaabisay Guddoomiyaha Ururka Haweenka ee gobalka Shabeelaha Dhexe ayaa haweenkii ka qeyb galay oo ka kala socday Warsheekh, Mahadaay, Cadale iyo Balcad, waxaana diiradda lagu saaray sidii loo horumarin lahaa adeegyada bulshada ee gobolka.
Related posts
Qaar ka mid ah Guddoomiyeyaasha ururada haweenka ee gobolka Shabeelaha Dhexe oo kulanka hadal ka jeediyay ayaa waxa ay maamulka ka codsadeen sidii xarumo caafimaad oo tayo leh looga hirgelin lahaa degmooyinka Gobolka, iyagoo tilmaamay in iminka ay aad u liitaan adeegyada caafimaad ee laga helo qaar ka mid ah degmooyinka Gobolka Shabeelaha Dhexe.
Guddoomiyaha ururka Haweenka ee Gobolka Shabeelaha Dhexe Sacdiyo Maxamed Nuur ayaa uga mahadcelisay haweenkii ka soo qeyb galay kulanka, waxaana ay tilmaamtay in haweenka looga fadhiyo sidii ay u xoojin lahaayeen wada shaqeynta dhexdooda ah, isla markaana ay cabashadooda u gudbin doonto maamulka Gobolka si wax looga qabto baahiyaha jira.
