Magaalada Baydhabo ee xarunta Gobolka Baay, isla markaana xarun KMG u ah dowlad Goboleedka Koonfur Galbeed ayaa waxaa maanta lagu soo gabo gabeeyay kulan ay isugu yimaadeen Madaxda Wasaaradaha Xanaanada Xoolaha Koonfur Galbeed, Galmudug, Puntland iyo Wasaarada Xanaanada Xoolaha Dowlada Federaalka.
Kulanka ayaa waxaa soo Agaasimay Wasaaradda Qorsheynata Qaranka iyo Wasaarada Xanaanada Xoolaha ee Koonfur Galbeed Soomaaliya, waxaana masuuliyiinta ay diiradda ku saareen sidii xoolaha Soomaaliyeed ay u helilahaayeen Biyo ku filan iyo Caafimaad, tayadoodana kor loogu qaadi lahaa; iyadoo laga faa’iideysanayo fursada qaaligaa ee Mashruuca Biyoole Project.
Kulanka ayaa waxa uu ku soo dhamaaday guul, waxaana ugu dambeyn la isku afgartay in la bilaabo dhismaha Baro biyoodyada xoolaha dhamaadka sanadkaan iyadoo Maamulada iyo Dowlada Federaalku si wadajir ah isaga kaashanayaan dardar galinta Mashruuca.
