Agaasimaha Guud ee Wasaaradda Qorsheynta, Maalgashiga iyo Horumarinta Dhaqaalaha ee Xukuumadda Federaalka Soomaaliya, Mudane Maxamed Xasan Shire ayaa maanta kulan isbarasho ahaa la qaatay Waaxda Horumarinta Dhaqaalaha.
Kulanka ayaa looga hadlay sidii loo dadargelin lahaa shaqada Waaxda si waafaqsan waajibaadka shaqo ee Wasaaradda iyo hiigsiga istaraatiijiyadeed ee hoggaanka.
Agaasimaha Guud ayaa hoosta ka xariiqay muhiimadda qorshe-howleedka sanadlaha ah ee Waaxda si loo xaqiijiyo in dalku uu cagta saaro hirgelinta horumarinta dhaqaalaha.
Wasaaradda Qorsheynta, Maalgashiga iyo Horumarinta Dhaqaalaha ee Xukuumadda Federaalka Soomaaliya ayaa waxay ku dadaalaysaa inay taabageliso dhaqaale xoogan oo horumariya nolosha muwaadiniinta oo dhan.
