Kulanka ayaa Waxaa looga hadlayay kaalinta ay dhallinyarada Ku leeyihiin Amniga Iyo Doorashooyinka waxaana soo qaban qaabiyay Hay,adaha SWDC, SAFEWORLD iyo Ururka Dhallinyada Gobolka Banaadir waxaan ka soo qaybgalay Dhallinyaro ka kala socotay dhamaan Degmooyinka Gobolka Banaadir.
Guddoomiyaha Ururka Dhallinyada Gobolka Banaadir Cabdikaafi Maxamuud Makaraan iyo Agaasimaha Hay,adda Hurumarinka Haweenka SWDC Sahro Maxamed Axmed ayaa sheegay in dhallinyadu ay qaataan kaalintooda ku aadan Doorashooyinka iyo Amniga.
Guddoomiye ku xigeenka Amniga iyo Siyaasada Gobolka Banaadir Cali Cabdi Wardheere Cali yare ayaa kula dardaarmay Dhallinyada in ka fogaadaan Qabyaalada ayna ka faa’ideystaan fursadaha ay heystaan maadaama bulshadeenu ay tahay 75% dhallinyaro.
Wasiir ku-xigeenka Wasaaradda Gaashaandhiga Cabdifitaax Qaasim ayaa u sheegay ka qaybgalayaasha in ay jirto fursad ay maanta Dhalliyadu ku soo saari karaan xubnihii ku meteli lahaa Siyaasadda.
