Kulan wadatashi ah oo qayb ka ah kulamada looga hadlaayay arrimaha shaqaalaha Soomaaliyeed ee dhinaca dastuurka si loo caddeeyo Xuquuqaha Qofka shaqaalaha ah iyo waajibaadka lagu leeyahay ayaa maanta lagu qabtay Muqdisho.
Qodobka Labaatan iyo Afraad ee DKMG ayaa qeexaya Xiriirka Shaqaala ee sida loo sugi karo Xuquuqahooda.
Gudoomaha Isutagga Midowga Urarada shaqaalaha Soomaliyed Maxamed Cismaan Xaaji ayaa sheegay in wadatashiga Shaqaalaha ee Dastuurka uu yahay mid muhiim ah.
Xildhibaan C/llahi Sheekh Ismaaciil oo ka mid ah gudiga DGBF oo sheegay in in isutagga Midowga Shaqaalaha ay soo gudbiyeen fikir wanaagsan oo dhaxal gal ah kaasoo ku saabsan xuquuqda shaqaalaha Soomaaliyeed.
Gudoomiyaha Guddiga Dastuurka Golaha BF ee Soomaaliya Xildhibaan Maryan Cariif Qaasin oo ka hadleysey Kulanka Wadatashiga ah ee lagu soo arurunaayo Fikradaha qaybaha Bulshada Soomaaliyeed gaar ahaan midka shaqaale weynaha Soomaaliyeed ayaa soo dhaweysay fikradaha iyo talooyinka qiimaha leh ee ay ka heleen kulanka.
Kulanka ayaa waxaa goob joog ka ahaa Ururka Haweenka Qaranka Soomaaliyeed, Iftin Foundation, gaar ahaan mashruuca Fursad oo shaqo abuur u sameeya Gabdhaha wax bartay iyo Nafada Soomaalyeed.
