Munasaabad lagu xasuusanaayey, isla markaasina loogu duceynaayey Hidiya Xaaji Maxmaed oo sadaxdii bishan ay kooxo hubeysan oo aan naxeynin ku dileen magaalada Muqdisho kadib markii gaari ay wadatay ay ugu xireen walxaha qaraxa ayaa waxaa lagu qabtay magaalada Amsterdam ee wadanka Holland.
Muaanasabada oo ay si wada jir ah u soo qaban qaabiyey Ururka Center For media ay dialogue iyo Xafiiska Warbahinta Qaranka Soomaaliyeed ee Wadanka Holland, ayaa waxaa ka soo qeyb galay Madaxda ururada ka jira wadanka Holland iyo Dadweyne kale kuwaasi oo si weyn u cambaareeyey dadkii ka danbeeyey dilka Hindiya Xaaji Maxamed.
Xuseen Koofuroow oo ah Agaasimaha Guud ee Ururrka Center For Media and dialogue ayaa waxaa uu sheegay in uu ururkooda aad ugu xunyahay falkii lagu dilay Hindiya Xaaji waxana uu sheegay in ay aad u canbaareynayaan kooxaha dilkaasi ka danbeeyey, isagoo Wasiirka Warfaafinta Soomaaliya ugu mahadceliyey sida uu is ku xilqaamay, isla markaana uu balanqaaday in Dowladda Soomaaliya ay carruurtaasi ka faalo qadeyso inta ay ka qaan gaarayaan.
Sahra Naaleeye oo ah Madax Mashaariicda ee Hay”ada FSAN ayaa waxaa ay sheegtay in ay aad ugu naxday markii ay maqashay Geerida Hidiya xaaji, iyadoo sheegtay in geeridaasi ay aheyd mid argagax leh, maadama ay aheyd bay tiri Hidia gabar korsaneysay carruur gaareysa 5 oo aabahoodna horey loodilay ,waxaana ay Wasiiraka Warfaafinta ku amaantay talaabadii uu qaaday mid aan horey loo arkin oo loo maray wado wanaagsan, dowladduna ugu baaqay in la sii adkeeyo arinkaasi
Magan Daahir oo ah Mucjisada Kubadda Miiska oo isana Munaasabada ka soo qeyb galay ,ayaa ugu horeyn tacsi u diray qoyskii ay ka geeriyootay Marxuumad Hindiya, isagoo ku baaqay in Ammaanka Suxufiyiinta Soomaaliyeed xil gaar ah la si ka saaro, shacabka iyo dowladduna ay is ka kaa shadaan sidii amaan buuxa loo heli lahaa kuwa dilka ka geysta soomaaliyana la horkeeno Cadaalada.
Guddoomiyaha Daladda ururada Midoobay ee FSAN Cali Waare ayaa waxaa uu dowladda Soomaaliya ugu baaqay in ay adkeeyaan Guud ahaan Amaanka Shacabka Gaar ahaan wariyaasha Soomaaliyeed oo ku shaqeeya buuyiri meel aan amnigeeda wanaagsaneyn isagoona intaasi ku daray in hadlakii ka soo yeeray Wasiirka Warfaafinta Soomaaliya Maxamed Cabdi Xayir Maareeye uu u taageeraayo Dowladdana ugu baaqay in arinkaasi ay adkeeso Xitaa hadii wasiirka hada jooga uu xilka baneeyo.
Xildhibana Faysal oo ka tirsan Xildhibaanada Dowladd Goboleedka Galmudug ee Soomaaliya oo munaasabada ka soo qeyb galay ayaa waxaa uu sheegay dilkii Hidiya in uu ahaa mid si weyn looga wadanaxay ahaana mid qorsheysan oo ay fuliyeen kooxo Danbiilayaal ah oo aan ilaa iyo hada la qabanin isagoona intaasi ku daray in gabadha ay aheyd hooyo Carruur korsaneysay oo aan waxaba galabsan waxaana uu ugu baaqay laamaha amaanka in ay dabgalaaan kooxaha ka danbeeya dilkaasi.
W/D:- Cabdullaahi Maxamed Taajiroow
