Kulankan oo lagu sagootinaayay Wasiirkii hore ee Wasaarada Warfaafinta Xildhibaan Mustaf Sheekh Cali Dhuxulow oo ay soo qaban qaabiyeen mas’uuliyiinta Wasaaradda Warfaafinta ayaa waxaa ka soo qeybgalay Wasiirka Warfaafinta Hidaha iyo Dalxiiska, Mudane Maxamed Cabdi Xayir (Maareeyee), ku xigeenkiisa Mudane C/laahi Colaad Rooble, Agaasimaha guud ee Wasaaradda iyo Agaasimye Waaxeedyada Wasaaradda Warfaafinta ayaa maanta lagu qabtay magaalada Muqdisho.
Kulanka ka dib ayaa waxaa Warbaahinta Qaranka la hadlay Wasiirkii hore ee Wasaarada Warfaafinta ee Dowlada Soomaaliya Mudane Mustaf Sheekh Cali Dhuxulow waxaana uu u mahad celiyay mas’uuliyiinta iyo shaqaalaha Wasaarada Warfaafinta sida wanaagsan oo ay ula shaqeyeen mudadii uu xilka hayay,isagoo intaa ku daray in uu wixii talo ah uu ku biirin doono mas’uuliyiinta Wasaaradda Warfaafinta Soomaaliya.
Mudane Maxamed Cabdi Xayir (Maareeye) oo ah Wasiirka Wasaarada Warfaafinta Hidaha iyo Dalxiiska ee Xukuumada Soomaaliya oo dhankiisa ka hadlay kulanka ayaa u mahadceliyay Wasiirkii hore Wasaarada Warfaafinta Mustaf Dhuxulow balan qaadkiisa ku aadan in uu la shaqeyn doono mas’uuliyiinta iyo shaqaalaha Wasaarada Warfaafinta.
Kulankan lagu sagootinaayay Wasiirkii hore Wasaarada Warfaafinta ee Dowlada Soomaaliya ayaa imaanaya xili dhawaan xilka Wasaaradaasi uu la wareegay Wasiirka cusub Wasaarada Warfaafinta Hidaha iyo Dalxiiska ee Xukuumada Soomaaliya.
