Kulankani oo loogu duceynayay Allaha u naxariistee Ugaas C/raxmaan Ugaas Khaliif oo 3-dii janaury ee sanadkani ku geeriyooday magaalada Beledweyne, islamarkaana laguna taageerayay go’aamada Ugaas Xasan Ugaas Khaliif ayaa maana magaalada Muqdisho lagu qabtay.
Kulanka ayaa waxaa ka qeyb galay oo goob joog ka ahaa xildhibaano ka tirsan Baarlamaanka Soomaaliya, siyaasiyiin, aqoonyahano, dhalinyaro, haween, iyo qurbo joog.
Dadkii ka hadlay kulankaasi ayaa ku dheeraaday ka sheekeynta midninada iyo sida loogu baahanyahay in bulsho ay yeelataa hogaan islamarkaana ay ugu dambeysaa wax kasta oo wanaag ah ugaas xasan ugaas khaliifna waxay ka rajeeyeen in uu ka shaqeeyo midnimada umadda Soomaaliyeed gaar ahaan reer Hiiraan.
Cali sheekh axmed iyo Drs Maryan Xaaji Cilmi oo ku hadlayay magaca qaban qaabiyeyaasha kulanka ayaa ka hadlay sida muhiimka ay u tahay in loo duceeyo Ugaas Craxmaan Ugaas Khaliif lalana shaqeeyo Ugaas Xasan Ugaas Khaliif Ugaas Rooble, waxaana ay bogaadiyeen sida go’aanada saldhiga u ah midnimada uu u qaatay.
Ugu Dambeyntii Xildhibaan Shuuriye Muumin Afrax oo ka mid ah baarlamaanka dalka oo isna ka hadlay isu imaatinkaasi ayaa xusay in mar walbo ka siyaasiyiin ahaan ay taageersanyihiin midnimada loona baahanyahay, in la midoobo waxaana uu xusay in ummadi waxay ku tahay dad qiimana ay ku leedahay ay tahay dhul loona baahanyahay in mar walbo maanka lagu hayaa taasi.
Dhanka kale waxaa shirka soo agaasimay Drso Maryan xaaji cilmi,Sooyaan cali cumar, Keenadiid muumin Cali, Xassan shiiq Axmed, Cali kheyr Shiiq Cumar.
