Wafdi ka socda Kutlada Haweenka Golaha Shacabka Baarlamaanka Jamhuuriyadda Federaalka Soomaaliya oo booqasho rasmi ah ku jooga Wadanka Rwanda ayaa la kulmay Guddoonka Aqalka Hoose ee Baarlamaanka Rwanda iyo Wasiirka Wasaaradda Haweenka iyo Qoyska.
Kulanka ayaa waxaa looga hadlay xoojinta xiriirka ka dhaxeeya labada Aqal, gaar ahaan Guddiga Arrimaha Siyaasadda iyo Haweenka, Sidoo kale Xildhibaanada Golaha Shacabka waxay kulamo aqoon is weydaarsi ku aadan ka qaybgalinta Haweenka Siyaasadda la yeesheen Maaxda Wasaaradda Haweenka Rwanda iyo Ururka Haweenka Baarlamaanka Rwanda.
