Ugu yaraan Laba Qof ayaa ku geeriyootay Afar kalana dhaawacyo ayaa ka soo gaadhay Qarax xooggan oo ka dhacay meel ku dhow Hoteel lagu Magacaabo Tolip Hotel oo ku yaalla Magaalada Alexandria ee Dalka Masar.
Madaxa laamaha ammaanka ee Magaalada Alexandaria Gen; Mostafa al-Nemr, ayaa Wakaaladda wararka Dalkaasi ee MENA u sheegay in Qaraxani loo adeegsaday Mooto Miineysan, iyadoo mid ka mid ah Dadka halkaasi ku geeriyooday uu ahaa Askari Boolis ah, halka kan kalena uu ahaa wade Baabuur oo halkaasi ka dhawaa.
Wasaaradda Arrimaha gudaha ee Dalka Masar ayaa weerarkaasi ku tilmaantay isku day dil oo ka dhan ahaa Generaal; Al-Nemr oo xilligaasi marayay meel aan ka fogeyn halka uu Qaraxu ka dhacay.
Qaraxan ayaa imanaya Maalin ka dib markii uuย booqasho la xiriirta ololahiisa doorashada ku tagay Madaxweyne C/casiis Asiisi, Gobolka Siinaay ee ay rabshadaha ka aloosan yihiin.
Isha/ Al-jaziira
