Waxaa goor dhawayd Magaalada Boosaaso dil qisaas ah lagu fuliyay laba xukunsane oo horay loogu helay dilkii Allaha u naxariistee Caa’isha Ilyaas oo ahayda gabar 12sanno jir ah.
Cabdifitaax Cabdiraxmaan Warsame iyo Cabdishakuur Maxamed Dige ayaa lagu fuliyay dilkaani toogashada ah halka Cabdisalaan Cabdiraxmaan Warsame oo ahaa Xukmanaha saddexaad mudda 10 cisha ah dib loo dhigay kiiskiisa kadib markii uu sidaasi codsaday Ilyaas Aaden oo ah aabbaha dhalay Caa’isha..
Maxkamada Darajada Koowaad ee gobalka Nugaal ee racfaanka iyo Maxkamada sare ee Puntland ayaa dhaammaantood si isku mid ah iskugu raacay xukun dil ah ee ragga lagu helay in ay gaysteen kufsiga Caisha Ilyaas oo ahayd gabar yar oo 12 jir ah taas oo ay kufsadeen raggan saakay toogashada lagu fuliyay.
