Waxaa maanta markale xarunta Madaxtooyada degmada Cadaado, lagu doortay lix xubnood oo ka tirsan golaha deegaanka Cadaado, kuwaas oo tiradooda ka dhigeysa 18xubnood, iyadoo wadarta Golaha deegaanka Cadaado laga rabo 23xubnood.
Doorshada maanta waxaa goobjoog ka ahaa Wasiirka arrimaha gudaha Galmudug, Wasiirdu dowlaha Wasaaradda amniga gudaha galmudug, Agaasimaha guud ee Wasaaradda arrimaha gudaha,Taliyaha Booliska Galmudug, Taliska Booliska degmada Cadaado Madaxda hey’adaha AISA iyo FCA oo ku garabsiinaya dhismaha golaha deegaanka iyo marti sharaf kale oo badan.
Agaasimaha Guud ee Wasaaradda arrimaha gudaha Galmudug Cumar Cabdi, ayaa ka hor doorashada ugu baaqay Ergada iney doortaan qofka ay u arkaan inuu deegaanka wax-taraayo.
Ugu dambeyn Wasiirka Wasaaradda arrimaha gudaha Federalka iyo dib-u-heshisiinta Galmudug, Cabdi Maxamed Wardi Wayeel, ayaa yiri “ waxaa la qaban doonaa shanta kursi ee harsan maalmaha nagu soo aadan”. Ayuu yiri Cabdi Maxamed.
