M.weynaha Jamhuuriyadda Fadaraalka Soomaaliya Mudane Xasan Sh Maxamuud oo Qudbad ka jeediyay Bandhigga Carwada Maalamiga ah ee Milano 2015 ayaa ka hadlay Qeyraadka Hormarka wanaagsan ee Soomaaliya ay Sameysay sanidihii ugu dambeeyay.
M.weyne Xasan Sh Maxamuud ayaa mahadnaq ballaaran u jeediyay dowladda Talyaaniga isagoo sheegay in Badhiggan oo markii ugu horreysay soomaaliya ay ka qeybgashay lagu soo bandhigay Qeyraadka Dalkeenna iyo waxyabahaha muujinaya dhaqanka soomaaliyeed.
“Maanta aad ayaan ugu faraxsanahay in aan arko heerka taageerada talyaaniga ee soomaalia,waa tallaabo kale oo hormar leh oo ay soomaaliya qaaday,mardhawna muuska iyo waxyaabaha kale ee soomaaliya hodanka ku ku tahay waxaan islla garanay in dalka taalyaaniga loo soo dhoofiyo si ay u dhiirrigaliso ganacsatada soomaaliyeed”Sidaasina waxaa yiri M.weyne Xasan Sh Maxamuud Oo Wareysi Gaar ah Siiyay warbaahinta qaranka Soomaaliyeed.
Bandhigga carwadan oo ay ka qaybgalayaan 140 dal oo caalamka ah, wuxuu soo bilowday bishii May ee sanadkan waxaana uu soconayaa ilaa bisha Oktobar ee sanadkan.
Bandhigga ayaa ujeedadiisu tahay in waddan walba oo caalamka ah ay ku soo bandhigaan wax soosaarkooda iyo fursadaha ganacsi ee ka jira.
