Soomaaliya waxaa ay ciyaartay kulankii sadexaad ee koobka Bariga Bartamaha Qarada Afrika waxaana fooda ay is dareen Xulka Qaranka Rwanda oo hore u soo qaraajiyay Ethiopia oo soomaaliya ka soo adkaatay.
Ciyaarta oo ahayd mid aad u xiiso badneyd ayaa waxaa ay ka dhacday Magalada Hawasa iyo sila gagada Hawasa,qaybtii hore ayaa lagu Kala nastay 1-0 oo ay ku hor kacayso Rwanda.
Qaybtii danbe markii la isku soo laabtay ayaa waxaa Rwanda ay dhalisay Laba gool oo deg deg ahaa ayadoo Soomaaliya ay ka muuqatay tabar daro aad u liidata waxaana kulankaani uu noqonayaa kii sadexaad oo isku xiga oo laga adkaata tartanka Koobka Bariga iyo Bartamaha Qarada Afrika. Soomaaliya waxaa horey guul darooyin ay Kala soo kulantay dalalka Tanzania oo afar gool ugu soo adkaatay Ethiopia oo laba gool ugu soo adkaatay iyo kulankaani Rwanda oo iyana uga soo adkaatay sadex gool.
Hadaba waxaa sii kordhaya guuldarooyinka soo gaaraya Xulka Qaranka Kubada Cagta Soomaaliya waxaana guul daradaasi soo gaartay ay noqoneysaa guul daradii kow iyo labaatanaad ee soo gaarta soomaaliya laba iyo labatankii kulan ee ugu danbeeyay oo ay ciyaartay.
Sidoo kale Soomaaliya ayaa mar kale ku guul dareysatay in wax gool ah ay dhaliso waxaana uu noqonaya kulankani kii 13 oo ay ku guul dareysato in wax gool ah ay dhaliso ayadoo 5 kulan ee ugu danbeysay laga dhaliyay 15 gool.
Dhanka kale wararka qaar ayaa waxaa ay sheegayan in Xirirka Kubada Cagta Soomaaliya uu qorsheynayo in uu ceyriyo Macalinka Xulka Qaranka Soomaaliya Macalin Charles kadib markii uu Macalinka uu ku fashilmay in uu adkaado Hal kulan oo quraa tan iyo markii loo magacabay Macalinka Xulka Qaranka Soomaaliya.
