Munaasabaddaan oo ahay mid lagu maa muusaayey Todobada bisha apriil oo ah maalinta uu caalamka u aqoonsaday maalinta caafimaadka adduunka ayaa lagu qabtay magaalada muqdisho
Munaasabadda ayaa waxaa ka qeyb galay wasiirka Caafimaadka, wasiirka Haweenka iyo Hormarinta xuquuqal insaanka, wasiirka kalluumeysiga iyo qeyraadka badda, Ururka haweenka qaranka, ururka haweenka gobalka Banaadir, ururada caafimadka, ka shaqeeya ee ka howl gala dalka, dhaqaatiir kooxda fanaaninta waxbarashada Iftin iyo marti sharafkale,
Dadkii ka qeyb galay munaasabaddaasi lagu maamuusaye maalinta caafimaadka Adduunka ayaa waxa ay ku bogaadiyeen bulshada Soomaliyeed in laga qeyb qaato hormarinta adeegyada Caafimaadka.
Guddoomiyaha Ururka Haweenka Qaranka Batuulo Sheekh Axmed oo ka hadashay goobta ayaa sheegtay in Soomaliya ay haatan ka soo kabsaneyso dhibaatooyinkii ka dhacay dalka oo ay ugu horayso caafimaad Darrada.
Madaxa Caafimaadka ee cisbitaalkal Banaadir Drs Luul Maxamed Maxamuud ayaa sheegtay in wasaaradda Caafimadka iyo Ururada ka shaqeeya Caafimadka looga baahan yahay in bulshada ay ka wacyi galiyaan ka hortagga dhibaatoyinka keeni karo Caafimad la’aanta.
Xildhibaan Dr Cismaan Maxamuud Dufle oo ka hadlay Munaasabdada ayaa faah faahin kabixiyay khaar kamid ah cuntada caafimaad darida ka dhalan karta isagoo sheegay in cunooyinkaas ay ka mid yihiin
Wasiirka Haweenka iyo Hormarinta xuquuqul insaan marwo Sahro Maxamed Cali Samatar ayaa sheegtay in bulshada soomaaliyeed looga baahan yahay in ay xil iska saarto ilalinta Nadaafadda deegaanka.
Wasiirka Caafimadka ee Xukuumadda Soomaaliya Drs Xaawa Maxamed Xasan oo gaba gabada munasabadda ka hadashay waxaa ay sheegtay in wasaaradda Caafimadka ay soo saartay xeerka Caafimadka Dadweynaha la hor geyn doono golaha xukuumada iyo golaha barlamaanka waxa ay intaa ku dartay in ururada caafimad looga baahan in Wasaaradda Caafimadka ay usoo gudbiyaan xogta la xariirta Caafimadka bulshada.
