Madaxweynaha jamhuuriyadda federaalka Soomaaliya iyo mas’uuliyiin heer caalami ah ayaa maanta ka qayb galay Munabadaan ballaaran oo lagu maamuusayay maalinta Calamiga ee Dhallinyaradda Addunka 12 ‘ka Bisha August oo maanta ku beegan ayaa lagu qabtay magalaadda Muqdisho.
Xafladda oo ay soo qaban qaabisayWasaradda Dhallinyarada iyo Ciyaaraha xukuumadda federaalka Soomaaliya ayaa halku dhigeedu waxaa uu ahaa Sannadkaan “waa laga maarmaan in Dhallinyaradu ay kaalintooda ka qaatan Horumarka dalka” waxaana heeso isgu jiray waddani iyo kuwa ka turjumaya Doorka wayn ee dhallinyarada Soomaaliyeed goobta ka qaadayay Qaar ka mid ah fannaaniinta Soomaaliyeed oo halkas joogay.
Qaar ka mid ah Dhallinyarada oo munaasabadda ka hadlay ayaa aad ugu faraxsanaa sida maanta looga xusay dalka maalintaan qiimaha badan ee Dhallinyarada Adduunka.
Safiirka Jamhuuriyadda jabuuti Dayib Dubad Rooble oo ka hadlaay munabadda Ayaa hoosta ka xariiqay in Dowladda Jabuuti ay ka go’antahay gacansiita Dhalinyaradda Soomaaliyeed isla markaana uu socda qorshe lays kugu xirayo Dhallinyarada Soomaaliyeed iyo Dhallinyarada walaalaha jamhuuriyadda jabuuti Si ay uga wada shaqeeyaan Horumarka labada dal.
Ergayga gaarka ah ee Xafiiska QM Midoobay ee Soomaaliya Nokolas Kay ayaa tilmaamay in Qaramada midoobay ay ka go’an tahay tageerada ay siinayso barnamijyadda lagu Horumarinayo Dhalinyaradda Soomaaliyeed.
Wasiirka Warfaafinta Dhaqanka iyo Dalxiiska Mudane Maxamed Cabdi Xayir Maareeye ayaa aad ugu dheeraaday ka hadalka kalinta muuqata ee Dhallinyarada Dhinaca horumarka dalka ay ku leeyihiin isagoo qiray in Horumarkasta oo la gaaro dhallinyaro ay Hurmuud uyihiin.
Wasiirka Haweenka iyo Horumarinta Xaquul Insaanka Xukuumadda Federaalka Soomaaliya Marwo Sahra Maxamed Cali ayaa sheegtay in waqtigaan loo baahanyahay dhalinyaradda Soomaaliyeed in ay ka qayb qaataan horumarrada dalka ka jira.
Wasiirka Dhallinyarada iyo Ciyaaraha Xukuumadda Federaalka Soomaaliya Mudane Maxamed Cabdullaahi Xasan Nuux ayaa shaaca ka qaaday in Dhalinyaradda Soomaaliyeed ay soo muuqanayso kaalintii mlooga baahnaa isla markaana ay si diirran uga qayb qaadanayaan iminka dadaallada Dhismaha Dowladnimo ee dalkeenna.
Madaxwaynaha Jamhuuriyadda Soomaaliya ayaa dhalinyaradda Soomaliyeed u diray hambalyo ku Aadan Maalinta Dhalinyaradda Aduuunka kuwaa oo uu Tilmaamay in ay Dowlad Nimada Cusub ee Soomaaliya ay Saldhig u yihiin Dhallinyarada Soomaaliyeed.
sawi Qaade:- Khadar Cali Nuur
