Gudoomiye ku xigeenka degmada Waajid Caddow C/raxmaan Jugle ayaa Radio Muqdisho u sheegay sheegay in maamul loo sameeyay tuulada Buurdhuxunle oo ka tirsan degmada Waajid ee gobolka Bakool isla markaana ka mid ah deegaanadii dhowaan laga saaray maleeshiyaadka al-shabab.
Caddow oo hadalkiisa sii wata ayaa sheegay in guddoomiyaha Buurdhuxunle loo magacaabay Aadan Huudow Axmed, halka ku xigeenkiisa laga dhigay Cabdi Yuusuf Cumar, iyadoo taliyaha saldhiga Boliiska deegaankaasina loo magcaabay Mukhtaar Cali Maxamed, waxaana uu xusay in xubnaha kale ee maamulka dhowaan ay soo dhameystiri doonaan.
Guddoomiye ku xigeenka degmada Waajid ayaa sidoo kale ka hadlay howlgalada ka socday deegaanada hoos yimaada degmada Waajid oo u jeedkoodu ahaa in al-shabab laga sifeeyo goobahaasi, isagoo tilmaamay in tuulooyin badan oo ay kamid yihiin Goobato, Buur-Cadde, iyo kuwo kale oo dhamaan ka tirsan gobolka Bakool.
Caddow C/raxmaan guddoomiye ku xigeenka degmada Waajid ee gobolka Bakool ayaa dadka goobaha howlgalada ay ka socdaan ugu baaqay in ay is dejiyaan isla markaana kuwii ka kaxay ay dib ugu soo laabtaan deegaanadooda, isagoo balan qaaday in aan wax dhibaato ah loo geysan doonin dadka shacabka ah.
Buurdhuxunle oo 30 KM u jirta degmada W aajid ee gobolka Bakool ayaa waxaa ay kamid aheyd deegaanada in mudo ah ay gacanta ku hayeen maleeshiyaadka Al-shabaab.
