Masuuliyiinta maamul-goboleedyada Galmudug iyo Puntland ayaa maanta guddi u saaray xalinta khilaafyadii iyo colaaddii ka jirtay magaalada Gaalkacyo ee gobolka Mudug.
Warar uu goor dhow baahay Madaxweynaha maamul-goboleedka Galmudug C/kariin Xuseen Guuleed ayuu ku sheegay in masuuliyiinta maamulada Galmudug iyo Puntland ay u saareen guddi heer wasiir ah oo xal u raadiya colaadii ka oloosnayd Magaalada Gaalkacyo, kuwaasi oo howshoodu tahay nabadeynta iyo joojinta dhiigga ku daadanaya magaaladaasi.
Magaalada Gaalkacyo ayaa beryahaanba waxaa ka taagnaa xiisad colaadeed ee uu ku daatay dhiig, islmarkaana ay ku barakaceen Shacab aad u fara badan.
