Maamulka Degmada Dharkiinley Ee Gobolka Banaadir ayaa amarada uu manta ka dhawaajiyay Ee ku socda Bulshada ku dhaqan Degmadaas waxaa uu kaga dhawaaqay Xaflad ay ka qayb galeen Qaybaha Bulshada Degmadaas iyo Maamulka Qaybihiisa kala duwan u jeedkeeduna ahaa soo dhaweynta Sanadka Cusub Ee 2015’ka taas oo lagu qabtay Xarunta Degmada Dharkenley.
Guddoomiyaha Degmada Dharkiinley Aadan Maxamed Cumar oo hadal u jeediyay dadka xafladaas ka soo qaybgalay ayaa waxaa uu sheegay in Maamulkiisu uu balaarin doono lana gaarsiin doono in bulshada oo dhan ay ka wada qayb galaan, shaqada maamulka uu bulshada u haayo, isagoo ka codsaday shacabka in ay la shaqeeyaan mamulka degmada Dharkiinlay ee gobolka Banaadir si loo xoojiyo Ammaanka.
Sidoo kale Guddoomiyaha ayaa Shacabka Degmada u soo jeediyay in ay Fuliyaan Ammaro uu sheeegay in ay ka soo baxeen maamulka oo ahaa in Guryaha iyo Goobaha Ganacsiga afaaf kooda hore lagu xiro leyrar taas oo qayb ka ah sugida Ammniga Degmada iyadoo talaabo laga qaadi doono Cidii aan ku xirina.
