Wadadani oo isku xirta isgoysyada SOS iyo xaafada waxaracade islmarkaana ay saameeyeen Roobabkii ka da`ay Magaalada Muqdisho ayaa maanta Maamulka degmada Hiliwaa waxa ay ka bilaabeen howlo lagu dayactirayo Wadadaasi, iydoona dhibaato xoog leh ay ku qabaan gaadiidka iyo dadweynaha isticmaala wadadaasi.
Dayactirka wadadaasi ayaa waxaa iskakaashanaya Maamulka iyo Bulshada degmada Hiliwaa ee Maqaalada Muqdisho waxaan arrintaasi si aad ah u soo dhaweeyay Bulshada ku nool degmadaasi gaar ahaan dadka adeegyada caafimaad u soo aada Isbitaalka hooyada iyo dhalaanka ee SOS.
Guddoomiyaha degmada Hiliwaa ee Gobolka Banaadir Maxamed Axmed Xaashi oo Warbaahinta kula Hadlay isgoyska SOS ayaa ugu baaqey Bulshada Soomaaliyeed ee ka soo jeeda degmada hilwaa iney ka qeyb qaataan dhismaha Wadooyinka Bur-bursan ee ku yaala degmadaasi.
Maxamed Axmed Xaashi Guddoomiyaha degmada Hiliwaa oo hadalkiisa sii wata ayaa sheegay in dhawaan ay dayactir ku bilaawi doonaan Wadada isku xirta isgoyska Ex koontarol Balcad iyo Xerada maslax ee duleedka Maqaalada Muqdisho.
Roobabkii ka da`ayay Maalmahii ugu dambeeyay ayaa saameyn xoag leh ku yaashey isu socodka Gaadiidka iyo dadweynaha kuwaaasi oo biyo dhigay qaar ka mid ah wadooyinka Caaasimada.
