Degmada Xamar Jajab ee gobolka Banaadir ayaa waxaa si habsami leh uga socda olala nadaafadeed oo qeyb ka ah tartarnka bilic soo celin degmooyinka gobolka Banaadir kaas oo uu dhawaan iclaamiyay gudoomiyaha gobolka Banaadir ahna duqa magaalad Muqdisho Xasan Maxamed Xuseen (Muugaab) oo balanqaaday in degmadii ku guulaysata ololahaasi nadaafadeed ama gasha kaalimaha hore la siin doon abaalmarin muhiim.
Gudoomiye ku xigeenka arimaha Bulshada ee degmada Xamar Jajab mudane Axmad C/laahi Samoow ayaa waxaa uu xusay in dhammaan waaxyaha kala duwan ee degmada Xamar Jajab ay si dardar ah uga socdaan olole nadaafadeed kaasi oo ah qorsha maamulka degmada Xamar Jajab u degsan ee la xariira bilic soo celinta iyo nadaafadda degmada, isagoo uga digay shacabka ku dhaqan degmadaasi inay qashin ku daadiyaan wadooyinka iyo gobaha kale ee muhiimka u ah bulshada waxaana uu tilmaamay in cidii lagu helo fal lidi ku ah nadaafada iyo bilic soo celinta degmada laga qaadi doono talaaba sharciga waafaqsan.
