Maamulka Degmada Xudur ee gobolka Bakool oo ka jawaabaya cabasho uga ka timid mid ka mid ah beelaha dega Gobolka Bakool ayaa maanta dhul deegaan ah oo dowladu leedahay ku wareejiyey, dadkaan oo kolba meel uguur guura xoolo iyo beer midna aan laheyn nolashooda ku tiirsan tahay dabashada xayawaanada duurjoogta ah oo xiligaan deegaanada laga xaalufiyey.
Waxa ay sheegeen in lacunsuriyeeyo gargaarka beni’aadanimo ee deegaanka soo gaara, isla markaana aan waxba looga faa’ideyn Maadaama aysan jirin deegaan loogu soo hagaago, xaaladooda nololeedna aad ugu adagtahay.
Xubno ka tirsan Maamulka degmada Xudur ayaa boogday goobta ay degan yihiin oo ku taala duleedka magaalada, waxana u calaamadeeyey dhul ay deegaan ka sameystaan, waana dad muuqaalkooda lagadareemi karo dhibta ay sheeganayaan.
Guddoomiyaasha dhulka ku wareejiyey qoysaskaan cabasho badan ka muujiyey dadyowga ay la degan yihiin ee Gobolka Bakool ayaa bulshada ugu baaqay in si wanaagsan loola macaamiilo hay’adaha samafalkuna ku amray in ay usoo gurmadaan qoysaskan tabaaleysan.
Ugu dambeyn Malaaqa beesha dhulka lagu wareejiyey ayaa uga mahadceliyey maamulka Degmada Xudur sida ay uga jawaabeen cabashadooda ku aadan helidda dhul ay deegaan ka dhigtaan.
