Qeybaha Bulshada Gobolka Banaadir, Waaxda Nadaafadda Dowlada Hooseย ee Xamar iyo Shirkadda Nadaafadda ECCO ayaa maanta isku soobax nadaafadeed ka sameeyey Waddada Wadnaha (Ex Waddada Ummadda) ee Magaalada Muqdisho.
Olalahaasi nadaafaed ayaa waxaa lagu suulinayey Qashinka iyo Carrada isugu timid waddadaasi uu dhowaan maamulka Gobalka Banaadir ku sameeyay Dib udhis.
Related posts
Olalahan nadaafadeed ayaaย waxaa ka qeyb qaadashadiisa isugu tagay maamullada Degmooyinka, Ururka Haweenka Gobalka Banaadir iyo Maamulka Gobalka iyadoo dhanka kale ay kaalin ka geysateen Gaadiidka Nadaafadda Dowlada Hoose iyo Gaadiidka Shirkadda ECCO.
Agaasimaha Shirkada Nadaafaddaย ECCO Cabda Xakiin Yuusuf Xasan oo warbaahinta Qaranka lahadlay waxa uu sheegay in la sii xoojin doono Bilic soo celinta Caasimadda.
Agaasimaha Nadaafada Dowlada Hoose ee Xamar C/casiis Goodax Barre ayaa sheegay in isku soo baxaani uu yahay mid lagu hormarinayo bilicda iyo Nadaafadda Waddooyinka magaalada Muqdisho.
Guddoomiyaha Gobalka Banaadir ahna Duqa Magaalada Muqdisho Mudane Yuusuf Xusen Jimcaale Madaale ayaa sheegay in cid kasta oo ku xad gudubta nadaafadda Waddooyinka Magaalada Muqdisho lagu qaadi doono Ganaax adag.
Maamulka Gobolka Banaadir ayaa qorsheeyey in toddobaad kasta la sameyn doono Olole Nadaafadeed oo midkan oo kale ah.
