Ku-simaha Duqa Muqdisho ahna Guddoomiye Ku-xigeenka Gobalka Banaadir ee dhinaca Maamulka iyo Maaliyadda mudane Axmed Xasan Iimaan oo uu weheliyo Guddoomiye Ku-Xigeenka Howlaha Guud ee Gobalka Banaadir mudane Cumar Cali Cabdi ayaa maanta oo Isniin ah si rasmi ah u daahfuray bixinta Kaarka Aqoonsiga cusub ee shaqaalaha Gobalka Banaadir, kaasoo muddo hakad ku jiray sababo la xiriira dib u hubinta shaqaalaha iyo tayada kaarka aqoonsiga.
Guddoomiye Ku-Xigeenka Maamulka iyo Maaliyadda Gobolka Banaadir ayaa ka sheegay xafladda daah-furka in Maamulka Gobalka uu ka codsanayo Hey’adaha Dowladda gaar ahaan Laamaha Ammaanka in ay tixgaliyaan qofka sita kaarka aqoonsiga cusub, ayagoo ka gudanaya waajibaadkooda amni.
Waxaa kale oo uu xaqiijiyay in gebi ahaanba la baabi’iyay kaarkii hore ee shaqaalaha Maamulka Gobalka Banaadir iyo Dowladda Hoose ee Xamar.
