Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) oo ay wehliyaan Guddoomiye Kuxigeenada Maamulka iyo Maaliyadda iyo Arrimaha Bulshada ee Gobolka Banaadir ayaa daah-furay wejiga 3-aad ee Tartan Aqooneedka Qurβaanka Kariimka ee Maamulka Gobolka Banaadir.
Tartankaan oo wajigiisa 1-aad iyo 2-aad kasoo socday Dugsiyada iyo Degmooyinka Gobolka Banaadir, ayaa Wareegaan 3-aad oo socon doonna muddo 4 maalin ah waxa uu si isku mid ah ugu dhici doonnaa Afarta Qeyb ee Degmooyinka Gobolka Banaadir.
Related posts
Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale (Madaale) oo khudbad dhinacyo badan taabaneysay ka jeediyay Munaasabada ayaa waxaa uu balan qaadayin Guuleystaha Sanadkaan uu ku Abaal-marin doonno in laga shaqaaleysiin doonno Dowladda Hoose ee Xamar, Halka Waalidkiisa loo diri doonno Xajka Sanadkaan, Sidoo kalena mid ka mid ah Guddiga qabanaya Tartanka loo diri doonno Xajka.
Munaasabadan oo ay soo qaban-qaabiyeen Qeybta Arrimaha Bulshada iyo Wacyigelinta Maamulka Gobolka Banaadir kana dhacday Aqalka Dowladda Hoose ee Xamar ayaa waxaa goobjoog ka ahaa, Xildhibaano ka tirsan BFS, Xubno ka Socday Wasaaradda Diinta iyo Awqaafta, Culumaβudiin, Agaasimeyaal, Waaxda Diinta iyo Awqaafta Maamulka Gobolka Banaadir, Guddoomiye Kuxigeenada Arrimaha Bulshada ee Degmooyinka iyo Deegaanada Gobolka Banaadir, Waalidiin iyo Ardeyda Tartamayaasha Qurβaanka Kariimka.
Guddoomiye Yuusuf Xuseen Jimcaale (Madaale) ayaa sanadkii 2016 Gobolka Banaadir ka bilaabay qabashada Tartankaan Qurβaanka Kariimka, Asigoona Bishan Barakeysan ee Ramadaan ka taaba-geliyay Degmooyinka iyo Deegaanada Gobolka Banaadir Tartamo kala gedisan oo isugu jira Cilmiga Maadiga iyo Diiniga. iyadoona ay tartamadaasi ka baxaan qeybaha kala gedisan ee Warbaahinta Gobolka Banaadir.
