kulan looga hadlayay adkeynta Amniga deegaanada Gobolka Gedo ayaa lagu qabtay Magaalada Garbahaarey ee Xaruunta Gobolka Gedo.
Kulanka ayaa waxaa goob-joog ka ahaa Masuuliyiinta ugu sareysa Gobolka iyo Saraakiisha Ciidamada Xooga Dalka Soomaaliyeed ee ku sugan Gobolka Gedo waxaana kulanka lagu lafo guray iskaashiga Amniga Ciidamada Xooga Dalka iyo shacabka Gedo.
Gudoomiyaha Gobolka Gedo Mudane Maxamed Muxumud Aadan oo kulanka ka hadlay ayaa sheegay in loo baahan yahay inay wada shaqeeyaan shacabka iyo Ciidamada Xooga Dalka si loo xaqiijiyo Amniga Gobolka iyo sidii maleeshiyaadka Nabad diidka ah looga saari lahaa deegaanada ay kaga sugan yihiin Gedo.
